Gjuha e folur nga arbëreshët është arbërishtja, një varietet i lashtë i toskërishtes (toskë), dialekt jugor i shqipes. Në disa qendra ajo përzihet me lakimet e marra nga Ghego (gegë), dialekti i folur në veri të Shqipërisë, me greqishten e vjetër dhe gjthashtu me kontaminimet nga dialektet jugore të Italisë që u zhvilluan gjatë qëndrimit në këto zona. Gjuha arbëreshe është një ishull i vërtetë gjuhësor i traditës së lashtë, që ka lejuar që trashëgimia kulturore, fetare dhe gjuhësore të përcillet ndër shekuj. Të folmet arbëreshe, duke ruajtur tipare të përbashkëta në strukturën e tyre fonetike, morfosintaksore dhe leksikore, dëshmojnë për ndryshimet e konsiderueshme që kanë ndodhur nga vendi në vend. Një nga karakteristikat e veçanta të kësaj gjuhe është mungesa e fjalëve për emërtimin e koncepteve abstrakte, të zëvendësuara gjatë shekujve me perifraza ose huazime nga gjuha italiane apo greke.